Një incident ka ndodhur ditën e sotme, ku në aksin rrugor Prrenjas – Librazhd një automjet në lëvizje është përfshirë nga flakët, por fatmirësisht nuk raportohen të lënduar .
“Mjeti me targa TR 3430 K në pronësi të një firme drejtuar nga shtetasi H.Rr me banim në Tiranë ka marrë flakë në ecje e sipër”, ka bërë të ditur policia.
Shkak i përfshirjes nga flakët i mjetit, dyshohet të ketë qenë një shkëndije elektrike.
Njoftimi i policisë
“Njoftohemi se sot më datë 23.04.2017 mjeti me targa TR 3430 K në pronësi të një firme drejtuar nga shtetasi H.Rr me banim në Tiranë ka marrë flakë në ecje e sipër në aksin rrugor Prrenjas – Librazhd. Shkak dyshohet të ketë qenë një shkëndije elektrike e mjetit. Nuk ka persona të dëmtuar.
Grupi hetimor ndodhet në vendngjarje dhe po kryen veprimet hetimore dhe proceduriale”.
